علاقة الذرة المشوي بالـ Digital Marketing

 تفتكر إيه علاقة الذرة المشوي بالـ Digital Marketing؟ 🧐

سامي خلص شغله وكان مروح بيته ولقى عم علاء صاحب أكبر عربية درة في المنطقة، وقف سامي مش عارف يختار بناء على شكل الدرة ولا حجمه ولا لونه.. 

عم علاء كان عنده خبرة في الدرة وشاف في عين سامي الحيرة فبدأ معاه الكلام وقال: 

 أنت عارف يا سامي عشان الدرة يتزرع ويوصل لمرحلة إنه يتشوي ويتاكل بياخد قد ايه؟ 

✨قاله: نورني يا عم علاء وقولي. 

بدأ عم علاء يقوله عشان تزرع الدرة لازم الأول تختار نوع الدرة المناسب زي ما تيجي تشتغل كدة لازم تختار المجال اللي بتحبه الأول عشان تبدأ تزرع وتحصد اللي أنت حابب تآكله مش اللي أنت مجبر تآكله. 

💡الكلام نور في دماغ سامي أنه اختار مجال شغل هو بيحبه الـ Digital Marketing

وبعدين تختار مكان مناسب للزراعة وزي ما بتيجي تختار كده شركتك اللي هتكبر فيها وتزود خبرتك. 

وأكد على سامي أنه يختار طريقة الزرع بس سامي مكنش فاهم أوي المعنى، فـ عم علاء قرب له الفكرة، زي ما بنختار نزرع الدرة بطريقة البذور أو الالواح عشان نرسخ الجذور أنت كمان محتاج تختار طريقتك الخاصة اللي بترسخ بيها خبرتك في شغلك. 

كمل عم علاء أن كمان عشان الدرة يكبر وينمو لازم الجو يكون عند درجة حرارة تتراوح ما بين 18 الي 21 درجة مئوية، وفي حال تم زراعتها في الخارج يجب أن تكون درجة حرارة التربة أعلى من 10 درجات مئوية محتاج شمس وحرارة وطقس جاف، فـسامي فهم وقاله يعني انا محتاج مصادر تخليني أعرف اتعلم اكتر عن شغلي عشان أكبر وأكتسب خبرة أكتر. 

ختم كلامه وقاله يوم عن يوم يا سامي هتلاقي زرعتك كبرت وأخضرت وأستوت وجاهزة تتاكل وهتيجي هنا تاني عشان نقسمها وناكلها سوا وهتبقي وصلت للي أنت عايزه ومش هتحتار تاخد أنهي حبة درة.

اتعلم الدرس من عم علاء وقولنا بتحب الدرة المشوي ولا لأ؟  😅